លោក ម៉េង ស្រ៊ុន អនុប្រធានក្រុមការងារគណបក្សចុះជួយមូលដ្ឋានស្រុកថ្ពង និងជាប្រធានក្រុមការងារគណបក្សចុះជួយមូលដ្ឋានឃុំអមលាំង បានអញ្ជើញដឹកនាំក្រុមការងារ
នាំយកអំណោយជូនដល់គ្រួសារក្រីក្រចំនួន២គ្រួសារ...
គ្រួសារទី០១ លោក ច្រឹក ពៅ ភេទប្រុស អាយុ៣៩ឆ្នាំ មានកូនចំនួន៥នាក់ ក្នុងនោះស្រីចំនួន០២នាក់ បច្ចុប្បន្នរស់នៅភូមិកុមារមាស ឃុំអមលាំង ស្រុកថ្ពង ខេត្តកំពង់ស្ពឺ និងគ្រួសារទី០២ ឈ្មោះ អ៊ុំ រ៉ាវី ភេទស្រី អាយុ៤៤ឆ្នាំ ជាស្រ្តីមេម៉ាយ មានកូនចំនួន០២នាក់ រស់នៅភូមិកុមារមាស ឃុំអមលាំង ស្រុកថ្ពង ខេត្តកំពង់ស្ពឺ ។
ក្រោយពីលោកប្រធាន បានជួបសំណេះសំណាល ជាមួយប្រជាពលរដ្ឋទាំងពីរគ្រួសាររួចឃើញថាពួកគាត់កំពុងតែខ្វះខាត និងជួបការលំបាកជាខ្លាំង ជាទឹកចិត្តភ្ជាប់ជាមួយសេចក្តីអាណិតអាសូរ លោក ម៉េង ស្រ៊ុន ប្រធាន ក្រុមការងារចុះជួយមូលឃុំអមលាំង ព្រមទាំងក្រុមការងារ បានយកនូវសម្ភារៈ និងថវិកាមួយចំនួនជូនដល់ពួកគាត់ផងដែរ ដោយក្នុង០១គ្រួសារទទួលបានថវិកាចំនួន២០,០០០រៀល អង្គរ០១បេ, ទឹកសុទ្ធ០១កេស, ម៉ី០១កេស, ទឹកត្រី០១យួរ និងទឹកស៊ីអ៊ីវ០១យួរ។
ជាចុងក្រោយ លោក ម៉េង ស្រ៊ុន ប្រធាន ក្រុមការងារចុះជួយមូលដ្ឋានឃុំអមលាំង បានផ្តាំផ្ញើរដល់ប្រជាពលរដ្ឋទាំងអស់កុំភ្លេចថែទាំសុខភាពផង ជាពិសេសផ្តាំផ្ញើរដល់មេភូមិ ព្រមទាំងក្រុមការងារទាំងអស់ត្រូវយកចិត្តទុកដាក់ឲ្យបានខ្ពស់បើមានករណីឬបញ្ហាផ្សេងៗកើតមានក្នុងមូលដ្ឋានសូមរាយការណ៍ជាបន្ទាន់៕
ផ្សាយនៅថ្ងៃទី១២ ខែឧសភា ឆ្នាំ២០២៥
ផ្សាយដោយ៖ នាគ.២៤
Post a Comment